طريقة التخلص من اثار الحبوب

كيفكم جميلاااااتي💖

بكتب لكم عناية بسيطة تعمليها يومياً للتخلص من اثار الحبوب .. ممكن الكلام يكون كثير للشرح بس ترى ماراح ياخذ منك وقت🌸💕

🌸

قبل ما ابدأ حبيبتي لازم تعرفي ان الموضوع يبغاله وقت وصبر والتزام✋🏻عشان ان شاء الله تحصلي على نتيجة💕..

الروتين حيكون مقسم على ثلاث مرات باليوم •اول ماتصحي من النوم ☀️

•في نصف يومك 💃🏻ممكن يكون قبل الشاور🚿

•قبل النوم😴

نبدأ بسم الله💖

اول ماتصحي استخدمي صابونة مصنوعة من المر ولبان الذكر

ثم رطبي بكريم مرطب خالي من العطور ثم واقي شمس يُفضل يكون بخاخ

🌸

في نصف يومك غسلي وجهك بغسول او امسحي بتونر منظف ثم استخدمي هذا القناع

القاعدة الاساسيةحتكون (زبادي او ماء زهر-نشا_ دقيق رز)

تضيفي عليها كل يوم حاجه واحده من الي حكتبه لك👇🏻

شاي اخضر مطحون🌱

او

كركم🌝

او

ليمون🍋

او

قشر رمان مطحون🎈

او

قشر برتقال مجفف🍊

>تقدري تضيفي قطرات من ماء الزهر اذا يحتاج تخفيف🌷

القناع يجلس 20 دقيقة وتفركيه ثم تغسليه بالماء

جففي بخفة بالمنشفة ثم امسحي بتونر قابض للمسام ورطبي بكريم مخلوط معاه نقطتين من اي سيروم تفضليه 🌸

قبل النوم ياعمري نظفي بشرتك ثم ضعي كريم يحتوي على خلاصات مفتحه وتأكدي انه خالي من الكرتزون والمعادن الثقيلة ويُفضل يكون من خلاصات طبيعية🍃 او طبي💊..

🌸

ملاحظات مهمه:

•ضروري تعملي مقشر مرتين بالاسبوع سواء كان جاهز تعمليه بالبيت واسهل مقشر (زيت+سكر+قطرات ليمون)

•تقدري تستخدمي اي قناع جاهز للتغيير وافضل شئ يحتوي على خلاصات مفتحه..

•هذا الروتين لأثار الحبوب وليس روتين للي عندهم حبوب..

•اذا كان عندك حبوب خفيفة ممكن تستخدمي الروتين ولاكن تضيفي مرهم طبي خاص بالحبوب على نفس الحبه فقط

•اذا بشرتك تتحس من اي شئ من الي ذكرته فوق☝🏻تتجنبه وخاصة الليمون لان فيه بشرات تتحسس منه

•ضروري تعملي تنظيف عميق مره بالشهر📆

🌸

ونعيماً حبيباتي 🌷

***********************

***********************